KISMAT CONNECTION

Is Hatheli Me Sab Kuchh Hota Hai,

Koi Pata To Koi Khota Hai,

Azib Tarana Hai Kismat Ka Yahan,

Jinke Pass Hai Sab, Zamana Usi Ka Hota Hai.

Hamare Sapno Me Ek Khwab Hota Hai,

Koi Masiha To Koi Kharab Hota Hai,

Chalna Achchhe Se In Rasto Par,

Qki Jiski Hai Aukat Yahan, Sab Usi Ka Hota Hai..

Milega Kisko Kab? Ye Anzan Hota Hai,

Is Jeevan Me Kaun Aazad Hota Hai,

Rahta Hai Zindagi Me, Hasne-Rone Ka Karwa,

Kise Lagta Hai, Jeevan Me Sab Aasan Hota Hai...

Lakiro Se Jan Lena To Vaham Hota Hai,

Mehnat Se Badal Pana Bhi To Sach Hota Hai,

Nahi Bad Pa Raha Hai Wo Ab Bhi Aage,

Qki Use Apni Kismat Par Guman Hota Hai....

Poet- Sudheer Pandey